Манекенката Александра Накова сподели заедничка фотографија со бебенцето и покажа како изгледа 10 дена по породувањето
Александра Накова ужива во мајчинството.
Поранешната манекенка од Гевгелија ја сподели првата заедничка фотографија со бебенцето, кое го крсти по себе, а покажа и дека е во одлична форма денови по породувањето. Александра позираше со новородениот Александар на кого лицето му го сокри со бело срценце.
„Моето најголемо чудо е што те држам во моите раце 🩵“ – напиша таа.
Накова сподели и неколку фотографии направени 10 дена по породувањето и напиша: „10 дена постпартум“.
Александра го роди своето вторo дете на 30 август.
„Добредојде на свет најмило мое, Александар. 30.08.2026“ – напиша тогаш таа, споделувајќи фотографија од рачето на новороденчето.
Бременоста Накова ја чуваше далеку од очите на јавноста, па веста дека повторно станала мајка ги изненади нејзините следбеници. Таа претходно имаше објавено само една фотографија со која откри дека е во 29. недела од бременоста.
Александра ја има и 11-годишната ќерка Леа од бракот со поранешниот сопруг, кошаркарот Никола Гајдаџиев.
Накова со неколку фотографии откри дека е во врска со бугарскиот фудбалер Ѓорѓи Јомов.
