Мамка за женски погледи: Фитнес тренер со мускулесто тело привлекува обожавателки на Instagram
Фитнес тренер мами женски погледи на Instagram со мускулестото тело.
Зеленоокиот Дени Џонс од Калифорнија минатата година стана хит на интернет откако обожавателка го спореди со „дрво“ поради неговата висина. Таа сподели две фотографии од Дени, кој е висок 2 метри и напиша: „Ова не е човек, ова е дрво“. Објавата брзо се прошири на социјалните мрежи и тој се прослави со прекарот „човек-дрво“.
This not a man, this a tree. pic.twitter.com/0rU95oBbxh
— la loba (@vickto_willy) May 29, 2017
Но, Дени го немал секогаш телото што го има денес. Откако на факултет престанал со редовната физичка активност, тој брзо качил непосакувани килограми.
„Започнав да качувам килограми и пред да се свестам, имав 135 килограми. Знаев дека е време за промена. Почнав да вежбам и посветував по 2 часа дневно за тренинзи и вежби. Гледав како се менува моето тело и за неколку месеци намалив 10 килограми“ – вели тој.
Додека работел како пожарникар, тој започнал да учи како функционира човечкиот организам и да го проучува нутриционизмот. Сакал да знае како различните хранливи производи влијаат на нашето тело.
Сега, 31-годишниот маж е онлајн фитнес тренер, кој им помага и на други личности да го добијат своето тело од соништата.
„Цврсто верувам дека СЕКОЈ може да ја направи истата промена којашто ја направив јас и да стане најдобрата верзија од себе. Сè што е потребно е првоначална идеја и желба за промена и план кој ќе ја стави таа промена во акција.“
„НЕ се откажувајте само затоа што не гледате резултати во првите неколку недели. Можеби ќе згрешите 500 пати, но бидете упорни. Не можам ни да замислам каде ќе бев сега ако не бев упорен“ – советува Дени.
Дени е неверојатно силен, а тоа честопати го покажува во своите видеа.