Малиот Бајрам го победи ракот и за рака со братчето заѕвони на ѕвончето на Детската Клиника во Скопје

Уште една детска насмевка заблеска на Клиниката за детски болести во Скопје.

Малиот Бајрам храбро ја издржа тешката битка со ракот и го дочека еден од најубавите моменти. Заедно со своето братче, тој ја означи својата победа над болеста и заѕвони на победничкото ѕвонче.

Видео од овој момент објавија од Клиниката:

„Нова радосна вест од Клиника за детски болести

Победничкото ѕвонче повторно силно ѕвонеше за да слушнат сите дека нашиот херој БАЈРАМ храбро ја помина и ја освои тешката битка. На Бајрам му посакуваме многу здравје и среќен живот - полн со радост и успеси!“ - стои во описот.