Шест кучиња станаа вистински херои откако ги одбранија своите сопственички од маж кој наводно се обидел сексуално да ги нападне во парк во Мелбурн.
Инцидентот се случил во вторникот наутро во паркот „Ригети Овал“ во населбата Кујонг. Двете жени шетале со своите миленици кога од грмушките ненадејно излегол непознат маж и ја нападнал едната од нив.
Жената успеала да му се оттргне, но според информациите, напаѓачот веднаш се насочил кон нејзината пријателка. И таа успеала да се одбрани, а токму тогаш кучињата реагирале и тргнале по мажот.
На снимката објавена на социјалните медиуми, која ја направила една од жените, се гледа како шесте кучиња од различни раси го бркаат напаѓачот низ паркот, лаејќи по него. Едното од нив, австралиски говедар, успеало да го гризне за ногата и да му ги искине панталоните, по што мажот побегнал во тунел.
Видео
И покрај тоа што успеал да избега, полицијата интензивно трага по осомничениот и води истрага за обид за сексуален напад.