Малата Ѓурѓица им кажа збогум на хемотерапиите и силно заѕвони на ѕвончето на Детската клиника во Скопје

Малата Ѓурѓица ја прослави својата победа и крајот на хемотерапиите со силно ѕвонење на ѕвончето во Детската клиника од Скопје.

Девојчето, кое пред два месеци освои многу срца со роденденската желба да добие перика, сега среќно си отиде дома.

„Денес се радуваме на една храбра принцеза, херојка која им кажа збогум на хемотерапиите. Ѓурѓица силно удри на ѕвончето за чао, за сите да ја слушнат нејзината победа. Браво! Само напред! САНО е горд на Ѓурѓица“ – напишаа од САНО во описот на фотографиите објавени со дозвола на родител.