Елена Трајановска продолжува да нижи успеси. Познатиот македонски модел за момент влезе во свадбена бајка за да сними невестинска фотосесија за „Harper’s Bazaar“.
На фотографиите од модното списание, зеленооката убавица изгледа како модерна невеста во прекрасни креации од врвни модни куќи и дизајнери, меѓу кои Зухаир Мурад, Каролина Ерера, Алберта Ферети, Валентино, Џамбатиста Вали и Вера Ванг.
Едиторијалот е снимен во вила покрај езерото Комо во Италија и поради тоа е насловен „Кралицата на Комо“.
