Македонската убавица Мартина Михајловска покрај сопругот и двете деца на роденденот на синчето

Синчето на Мартина Михајловска наполни четири години.

Македонската убавица сподели семејни фотографии од прославата по повод роденденот на малиот Матиас, кој беше со тема „Бинго и Блуи“.

На фотографиите, атрактивната манекенка позира заедно со сопругот Виктор и нивните две деца, додека сите заедно уживаат во славеничката атмосфера исполнета со радост, прегратки и многу љубов.

За специјалниот ден беше подготвена прекрасна роденденска декорација, а малиот славеник не ја криеше среќата додека ја дуваше свеќичката на тортата.

Мартина е една од најистакнатите македонски модели и поранешна водителка која неретко е нарекувана и „македонската Ева Мендес“.