Македонка со впечатлив стил: Ана Стојановска во сина креација на Филмскиот фестивал во Сараево

Појавувањето на Ана Стојановска на црвениот тепих никогаш не поминува незабележано.

Македонската актерка синоќа присуствуваше на премиерата на својот најнов филм „17“ во рамките на Филмскиот фестивал во Сараево. На манифестацијата, таа зачекори во кожна креација во кралска сина боја и остави силен стилски отпечаток.

Ана објави неколку фотографии од стајлингот, а сподели и фотографии од официјалниот профил на Фестивалот.

Филмот „17“ ја следи приказната на седумнаесетгодишната Сара, која крие тајна за време на училишно патување. Кога патувањето ќе излезе од контрола и таа ќе биде сведок на сексуален напад врз нејзината пријателка Лина, двете девојки се обидуваат да го прекинат кругот на секојдневното насилство. Тоа создава нераскинлива врска меѓу нив.