Македонија завиена во црно: Јавни личности со молитви и пораки за сочувство до семејствата на настраданите
Македонија е завиена во црно по тешката сообраќајна несреќа кај селото Ласкарци, во близина на Карпалак. На автопатот Скопје-Тетово се преврти автобус од туристичката агенција „Дурмо Турс“, при што животот го загубија 14 лица, а седуммина сè уште се во тешка, но стабилна здравствена состојба.
„Четири од повредените пациенти во болницата '8-ми Септември' и три од повредените пациенти во Ургентниот Центар во Скопје се сѐ уште во критична и тешка состојба, но се во стабилна здравствена состојба“ – изјави Министерот за здравство, Венко Филипче.
Меѓу патниците имаше и трудница, која според докторите се наоѓа во добра здравствена состојба. Еден од починатите е Јовица Трпевски, син на пратеникот Благојче Трпевски.
Македонските политичари и славни личности споделија дека се молат за животите на патниците и испратија пораки за сочувство до семејствата на настраданите.