Македонецот Марјан Петров ја дотера Лепа Брена за моден настан, беше одлично пречекан во нејзиниот дом

Марјан Петров беше гостин во домот на Лепа Брена и се погрижи таа да изгледа беспрекорно на моден настан во Белград.

Македонскиот фризер и шминкер бил задолжен за изгледот на балканската музичка легенда за ревијата на брендот BOZI, зад кој стојат членови од нејзиното семејство. Брена шармираше во син костум со црни детали, кој го искомбинира со црна кошула, црна чантичка и бела бунда.

„Благодарам, легендо за тоа што ми ја укажа честта да бидам гостин во твојот дом и што ми се довери да се грижам за твојот изглед за оваа посебена прилика. Чест е и задоволство да работам со тебе“ – напиша тој, споделувајќи на својот Instagram профил фотографии и видеа од настанот.

Брена позираше и со сопругот Слободан Живојиновиќ.

Марјан бил ангажиран од Брена и на нејзиниот концерт во Охрид, па таа очигледно задоволна од него, го повикала во Србија за да ја разубави.

ФОТО: Instagram / Marjan Petrov