Џесика Готје започнала да создава кукли со физички различности, сакајќи преку игра да ги научи ќерките на прифаќање и инклузивност.
Разочарана од стереотипните кукли на пазарот, таа одлучила самата да направи играчки за нејзините деца.
Џесика купила кукли Bratz, а потоа им го променила изгледот. Првата кукла што ја направила имала црвен белег на лицето, втората била албино, третата имала ампутирана рака... Откако го завршила семејниот проект, Џесика ги наредила во собата на најголемата ќерка за таа да може постојано да игра со нив.
Поттикната од позитивните коментари на гостите, одлучила да сподели фотографии на Instagram и да отвори своја продавница на Etsy.
„Она што започна како мајчинска мисија да ги едуцира ќерките, се претвори во можност да им се донесе радост на илјадници деца околу светот и на нивните родители преку поттик да видат колку убави се нивните различности“ – пишува сопругот на Џесика.
