Мајка постави Гинисов рекорд за најбрзо трчање по лего коцки на 100 метри плус тоа боса

Ако некогаш сте згазнале на лего коцка, сигурно знаете за каква болка станува збор. Сега замислете да трчате по нив боси цели 100 метри.

Габриел Вол од Нов Зеланд очигледно има „железни стапала“. Како мајка на две деца, таа несомнено има стапнато на повеќе од една коцка за играње, но сега успеа да ги надмине сите очекувања и постави нов Гинисов рекорд за најбрзо истрчани 100 метри боса по лего коцки, со време од 24.75 секунди.

Настанот се одржал во Крајстчерч на 16 јануари 2025 година, а за да се создаде стазата биле искористени 300 килограми лего коцки, донирани од организацијата Imagination Station, која користи лего во образовните детски програми.

„Горда сум што се предизвикав себеси до нови граници“ – изјавила Габриел по поставувањето на рекордот.

@guinnessworldrecords

Fastest 100 m barefoot on LEGO® bricks ️ 24.75 seconds by Gabrielle Wall

♬ original sound - Guinness World Records