Мајка на дете со церебрална парализа измисли помагало со кое децата инвалиди можат да одат
Сакајќи да му помогне на синот со церебрална парализа да се движи, една мајка измисли помагало кое сега им овозможува на многу деца инвалиди да одат.
На Деби Илнејтан ѝ кажале дека нејзиниот син Ротем никогаш нема да прооди кога тој имал само 2 години. Малото детенце ги минувало деновите во седечка или лежечка положба, а Деби очајно сакала тој да биде исправен и да се движи. Така се родило генијалното помагало за движење наречено Upsee.
Илнејтан создала специјални каиши кои ѝ овозможувале да ги врзе телото и стапалата на синчето за нејзината половина и нозете. На овој начин, кога таа ќе направела чекор, правел и малиот Ротем. Малото детенце било пресреќно додека одело, па Деби знаела дека мора да најде начин да им помогне и на други родители кои имаат деца со хендикеп.
Потребни биле неколку години за таа да пронајде компанија која ќе ја претвори нејзината замисла во готов продукт, кој ќе се продава онлајн. 11 години подоцна, тој производ е достапен за сите родители. Благодарение на Деби, многу деца со хендикеп со насмевка ги прават првите чекори, а нивните среќни родители споделуваат фотографии и видеа од нив на социјалните мрежи.
Посветената мајка неуморно работи на други изуми кои имаат цел да им го олеснат животот на децата со посебни потреби.