Маја, сопругата на Панчо, неутешна: „Среќен роденден таму каде што ангелите чуваат мир и светлина“
Вчера беше важен ден за семејството на Владимир Блажев-Панчо.
На денот кога требаше да го прослави 47-миот роденден, неговата сопруга Маја му упати емотивна порака, која нема да ве остави рамнодушни:
„Денес е твојот роденден, а спомените за тебе живеат во нашите срца. Иако не си физички покрај нас, твојата љубов, добрина и насмевка остануваат засекогаш со нас. Те паметиме со љубов и благодарност за сите убави моменти што ни ги подари. Нека ти е вечен споменот. Среќен роденден таму каде што ангелите чуваат мир и светлина. Засекогаш ќе останеш во нашите мисли и во нашите срца. 🕊️🤍🙏“
Панчо речиси седум месеци се лекуваше во болница по трагичниот пожар во дискотеката „Пулс“ во Кочани, но за жал, почина како последица на повредите.
Познатиот пејач на ДНК и Маја заедно имаат две деца - Андреја и Марјан.
