Магнет за погледи: Џенифер Лопез со црвен стајлинг мамеше воздишки на ручек со саканиот и децата

Џенифер Лопез магнетски привлекуваше погледи во Њујорк со впечатлив црвен стајлинг.

Додека се упатуваше на ручек заедно со саканиот Алекс Родригез, 48-годишната актерка и пејачка носеше припиен црвен фустан и складни салонки од Џими Чу. Од модни додатоци, таа избра чанта од Кристијан Лобутин, обетки од Џенифер Фишер и очила за сонце од Гучи.

Парот беше фотографиран и заедно со 9-годишните близначиња на Џенифер. Додека таа се движеше заедно со Еми, Алекс го држеше за рака Макс.

Освен за стилот, Џенифер деновиве добива пофалби и за хуманоста, откако објави дека ќе донира 1 милион долари од нејзините приходи од концертите во Лас Вегас за помош на настраданите од ураганот Марија во Порторико.