Волшебен, луксузен, спокоен, дискретен... Кога ќе зачекорите во хотелот „The Royal Mansour“, исто како да влегувате во еден нов свет, во марокански сон од кој нема да сакате да се разбудите.
Изграден е без ограничен буџет, по нарачка на кралот Мохамед VI, во срцето на Маракеш и вклучува 53 ријади. Околу 1.500 занаетчии биле задолжени да го дизајнираат по највисоки кралски стандарди, следејќи ја „визијата да креираат спектакуларно ремек-дело кое ги надминува барањата на денешниот рафиниран патник, додека го рефлектира вистинскиот дух на мароканската традиција“.
За беспрекорната услуга се грижи персонал кој ретко можат гостите да го сретнат низ хотелот, затоа што се движи низ подземни тунели.
Инстантно се гледа зошто овој хотел е „мета“ на Instagram блогерките. Фасцинантниот ентериер е привлечна позадина за беспрекорни фотографии.