Магично: Вел долг 23 метри, венчаница од Ралф Лорен, неколку свечености... Свадбените фотографии на Пријанка и Ник
Екстравагантните свадбени свечености на Пријанка Чопра и Ник Џонас го привлекоа вниманието на целиот свет. Славниот пар, кој сè уште слави во Индија, објави официјални фотографии од главните церемонии.
Свадбата со христијански обичаи се одржа во Umaid Bhawan Palace во Џодпур. Невестата носеше софистицираната венчаница од Ралф Лорен, вел долг 23 метри и блескави чевли од Џими Чу.
Обземен од емоциите, 26-годишниот пејач пролеа и солза штом ја здогледа 36-годишната актерка како се упатува кон него во невестинскиот фустан.
Ѕирнете во луксузната свадба преку видеото на „People“:
Венчаницата беше изработувана 1.826 часа и украсена со 2.380.000 бисерни мониста. Дека фустанот е многу специјален говори и фактот што Ралф Лорен има дизајнирано само 3 венчаници и сите тие биле за свадби на неговите најблиски роднини.
Видео од првиот танц:
Пријанка и Ник ги испочитуваа и обичаите на нејзината татковина, па следниот ден се одржа хинду церемонија за која таа облече прекрасна црвена креација. За изработка на гламурозниот аутфит биле потребни 3.720 часа.
Ник беше облечен во традиционална индиска облека со турбан.
Откако заврши свадбениот викенд, не прекинаа прославите. Младенците организираа и свеченост во Делхи на која присуствуваше и индискиот премиер Нарендра Моди.
Меѓу гостите повторно беше Џо, братот на Ник, со неговата вереница Софи Тарнер.
