Луксузниот живот на српската манекенка Аника Божиќ која живее во Париз откако се омажи со арапски бизнисмен
Откако се омажи со богат арапски бизнисмен, Аника Божиќ живее ултра луксузен живот. Српската манекенка постојано споделува фотографии на Instagram од своите патувања, модни ангажмани и од приватниот живот, со што привлекува големо внимание.
Божиќ стапи во брак со Јусуф Ал Сарај од Палестина во 2014 година и заедно имаат еден син. Семејството моментално живее во Париз.
Аника потекнува од Белград и секојпат кога ќе се врати во родната Србија предизвикува голем интерес кај медиумите, кои многупати ја нарекуваат „арапската принцеза“, иако нејзиниот сопруг нема кралска титула.
„Мојот сопруг потекнува од едно од најугледните палестински семејства, а бидејќи Палестина во својата бурна историја не беше монархија, со тоа и мојот сопруг нема титула на принц. Ако би морала да се поистоветам со принцеза од бајка, би се споредила со Пепелашка, која откако отиде на гламурозниот бал продолжи со секојдневниот живот кој го сочинуваат работни и семејни обврски. Можам слободно да кажам дека мојата бајка е далеку повозбудлива и подинамична во споредба со '1001 ноќ'“ – изјавила неодамна Аника.
И покрај богатството, Аника продолжи со своите обврски во модната индустрија и има свој блог.
