Линдзи Вон модерна во црвен костум и со патерици по страшниот пад на ЗОИ и ОСУМ операции на ногата

Линдзи Вон стана поим за храброст, издржливост и непоколебливост пред и за време на Зимските олимписки игри во Италија.

41-годишната скијачка во февруари доживеа тешка повреда по страшниот пад на стазата и за малку не ја изгуби ногата откако одлучи да скија со скинати лигаменти. Оттогаш, Вон помина низ ОСУМ операции, но тоа не ја спречува да се појавува на јавни настани и интервјуа.

Викендов, Линдзи шармираше во црвен костум на интервју во CBS Mornings, а блесна и во елегантен кафеав припиен фустан на забава организирана од Џеф Безос и Лорен Санчез по повод МЕТ галата. На двата настани, таа се движеше со помош на патерици.

Вон планира за првпат да зачекори самостојно на МЕТ балот кој ќе се одржи вечерва.