Линда Еванџелиста се врати на модната писта по споделувањето дека е трајно деформирана од козметичка интервенција

Една година откако сподели дека е трајно обезличена од козметичка интервенција, Линда Еванџелиста се врати на модната писта.

57-годишната манекенка, која беше дел од „оригиналните супермодели“ од 90-тите години, ја затвори ревијата на Fendi одржана во рамките на Њујоршката модна недела.

Ова беше прво појавување на Линда на модната писта по 15 години. Таа беше поздравена со аплауз од присутните вљубеници во модата.

На ревијата, италијанскиот моден бренд ја откри соработката со Марк Џејкобс.

Видео

Во септември минатата година, Еванџелиста сподели дека била жртва на третман за убавина, кој наместо да ѝ го подобри изгледот, трајно и брутално ја обезличил. Воедно, тоа било причината за нејзиното повеќегодишно отсуство од јавниот живот.

Таа призна дека добила Парадоксална масна хиперплазија и дека изгледа непрепознатливо откако масните клетки ѝ се зголемиле, наместо да ѝ се намалат како што ветувала интервенцијата.