Лила Филиповска му се заблагодари на фризерот Зоки Давитков кој ѝ ја средуваше косата додека се бореше со рак на дојка

Лила Филиповска му е неизмерно благодарна на фризерот Зоки Давитков.

Македонската водителка, која во 2022 година се оперираше поради рак на дојка, сега јавно му се заблагодари на Зоки за целата поддршка која му ја даваше во најтешкиот период додека се бореше со болеста.

Филиповска сексапилно позираше покрај талентираниот фризер и сподели фотографии на Instagram. Во описот, таа напиша:

Тебе ти дозволив да ја скратиш мојата коса кога немавме друг избор. Не дозволи да правиме драма од тоа туку смислуваше фризури и правеше сѐ да ми биде полесно. И ми беше! Покажа грижа, поддршка и разбирање во секој поглед ❤️
Ова е приказна за доверба, благодарност и пријателство што ќе трае… фала ти драг мој Зоки Давитков.

Лила доби огромна поддршка и лавина од позитивни коментари кога пред повеќе од две години објави дека поминала низ тешка битка со опаката болест која траела повеќе од една година.

„Не заборавајте канцерот НЕ Е НЕПОБЕДЛИВ!!! Јас сум доказ!“- напиша тогаш таа.

На нејзина фотографија од болницата, направена непосредно пред операцијата, стои:

Кој би рекол дека животот ќе ми се дели на „пред“ и „после“ оваа слика! Слика направена половина час пред мојата петчасовна операција на канцер на дојка . Сосема спонтано направена од мојата другарка, a сега сосема случајно пронајдена во мојот албум со слики.
И да… оваа насмевка е искрена и многу зборува . Зборува за тоа дека воопшто не се плашев и не траоризирав. Зборува за тоа дека едвај чекав да се случи и да го продолжам патот на излекување! Добро прочитавте: Не, патот на лекување туку на излекување. Зборува за мојата решеност да го издржам и ова патешествие не баре сум тргнала да снимам уште една од моите емисии! А денот студен, зимски ама сончев. Го сфатив тоа како добар знак. И беше !!!
Без разлика на тоа што ноќта по операцијата бев во вистинска агонија, без разлика што проклетникит пуштил пипци и по лимфните јазли под пазувите, и што имав закачено три дрена. Кога хирург како д-р Фатих Ајдован ќе ти каже дека ќе биде се во ред, едноставно знаеш дека треба да му веруваш. Имам уште многу да пишувам ама не се одеднаш. А пишувам само заради Вас кои ја биете истата битка.
Првиот чекор до победата е верувањето дека ќе победите! Без него нема да стигнете до вториот. Никој не вика дека ќе биде лесно ама не заборавајте: светот ги памти само ПОБЕДНИЦИТЕ!!!