Рами Кади одбележува значаен јубилеј од своето работење. Либанскиот дизајнер ја прослави 10-годишнината од дизајнерската кариера со создавање на прекрасна колекција висока мода.
Колекцијата „Ретроспектива 10“ за сезоната пролет/лето 2021 беше презентирана со бајковита фотосесија во градина.
„Оваа деценија беше деценија на експериментирање, на учење и растење. Истражувавме теми кои се движат од индивидуално до колективно, инспирирајќи се од фестивали, книги, филмови, настани и предмети. ‘Ретроспектива 10’ се состои исклучиво од 10 модели и се базира на метални бои како злато, сребро, платина и бронза“ – пишуваат од ателјето на Кади.
