Кралицата Летиција е речиси безгрешна во стилскиот избор. Софистицираната кралица на Шпанија секогаш наидува на позитивни критики со внимателно склопените стајлинзи.
За посетата на црква во Сантјаго де Компостела по повод Националниот ден на Галиција, 47-годишната припадничка на шпанското кралско семејство беше облечена во летен фустан од брендот Pedro del Hierro.
Креацијата обединува неколку актуелни трендови. Имено, освен што е со миди должина, дизајнирана е како кошула-фустан, а има и тропски принт, што е апсолутен летен хит.
Бежовите салонки на Летиција се со потпис на Каролина Ерера.
Летиција и кралот Фелипе се на турнеја низ Шпанија во знак на поддршка на економски, културни и социјални активности по кризата со коронавирусот.
