Минатото лето започна да се пробива еден невообичаен моден тренд, кој годинава најверојатно ќе го достигне врвот на популарноста. Станува збор за привремени металик тетоважи.
Впечатливите украси за кожа се вклопуваат во актуелниот бохо стил, се одличен моден „додаток“ за фестивалските стајлинзи и летните забави, а и одлично го акцентираат бронзениот тен.
Тетоважите кои имитираат накит се особено привлечни за модните блогерки и славните дами како Бијонсе, Џесика Алба и Алесандра Амбросио.
Позитивната страна на овие тетоважи е што за разлика од вистинските тетоважи, не се доживотна декорација на вашето тело, но негативната страна е што излегувањето на сонце може да резултира со непосакувани светли неисончани траги по кожата.
Ако досега привремените тетоважи им беа интересни само на децата, сега тие добиваат статус на најпожелен шик летен аксесоар на кој вреди да му даде шанса секоја модна ентузијастка.
