Легендарните близначки Кеслер починаа на ист ден, избраа асистирано самоубиство за да си го прекинат животот

Близначките Кеслер го напуштија овој свет на ист ден во Минхен.

Сестрите Алис и Елен, кои стекнаа светска слава во 50-тите и 60-тите години на минатиот век, избраа асистирано самоубиство бидејќи „повеќе не сакале да живеат“ и „избрале да си ги завршат животите заедно“, пренесува Bild. Тие имаа 89 години.

Близначките беа меѓународно препознатливи кралици на сцена, пејачки, танчерки и актери. Во текот на нивната повеќедецениска кариера, настапуваа со големи имиња како Франк Синатра, Фред Астер и други.

По нивната смрт, Radio Monte Carlo објави посвета за нив на Instagram.

„Алис и Елен заминаа заедно, исто како што и живееја: Неразделни“ – стои во соопштението. „Родени во 1936 година, тие беа апсолутен симбол на европската естрада, вклучително музика, танц и телевизија. Во Италија, беа познати како ‘нозете на нацијата’, икони на елеганцијата и сценската присутност уште од педесеттите години.“

„Уникатен уметнички пар, способен да остави неизбришлива трага во колективното сеќавање“ – се додава во соопштението.