Легенда: Силвестер Сталоне слави 80-ти роденден, сопругата Џенифер со емотивна објава и стари фотографии

Холивудската легенда и еден од најголемите акциони херои на сите времиња, Силвестер Сталоне, го прослави 80-тиот роденден. Покрај милионите честитки од обожавателите ширум светот, најемотивната порака беше од неговата сопруга, Џенифер Флавин.

Со низа стари фотографии кои будат носталгија и сведочат за нивната децениска љубов, Џенифер му го честиташе јубилејот на својот сакан.

„Среќен 80-ти роденден, љубов моја!❤️🎂 Од денот кога те запознав во 1988 година, ти отсекогаш си љубовта на мојот живот. Ти благодарам што ми го подари најубавото семејство и дом. Едвај чекам да те славам засекогаш! Те сакам!❤️“ - напиша таа во описот на објавата.

Љубовната приказна на Силвестер и Џенифер започна во далечната 1988 година, кога се запознаа во ресторан во Беверли Хилс. Иако нивната врска низ годините помина низ неколку подеми и падови, тие успеаја да ги надминат сите предизвици. Круна на нивната љубов се трите ќерки, Софија, Систин и Скарлет, на кои денес се неизмерно горди.