Кристина Еплгејт се отвори за здравствените проблеми. 49-годишната актерка откри пред светот дека боледува од мултипла склероза.
На својот Twitter профил, таа напиша:
„Здраво пријатели. Пред неколку месеци ми беше дијагностицирана мултипла склероза. Беше чудно патување, но имам голема поддршка од лица кои ги познавам кои ја имаат истата оваа состојба. Беше тежок пат, но како што и сите знаеме, патувањето продолжува. Освен ако некој идиот не го блокира.“
Hi friends. A few months ago I was diagnosed with MS. It’s been a strange journey. But I have been so supported by people that I know who also have this condition. It’s been a tough road. But as we all know, the road keeps going. Unless some asshole blocks it.
— christina applegate (@1capplegate) August 10, 2021
Мултипла склероза (МС) е хронична болест која настанува кога имуниот систем абнормално ја напаѓа обвивката и поддршката околу нервните клетки (миелинска обвивка) во мозокот, `рбетниот мозок и оптичките нерви, предизвикувајќи воспаление и последователно оштетување. Ова оштетување може да предизвика низа симптоми, вклучувајќи мускулна слабост, замор и проблеми со видот, а може со тек на време да води до инвалидитет.
МС почесто се јавува кај жените, отколку кај мажите.
Еплгејт во 2008 година се бореше со рак на дојка. По извршена двојна мастектомија, беше објавено дека нејзината болест е во ремисија.
Кристина има едно дете со сопругот Мартин Ленобл.
