Кристијано Роналдо со вереницата Џорџина елегантен пар за средбата со Доналд Трамп во Белата Куќа
Кристијано Роналдо се сретна со Доналд Трамп во Белата Куќа.
40-годишниот фудбалер беше придружуван од својата вереница Џорџина за посетата на домот на американскиот претседател и вечерата организирана во чест на саудискиот престолонаследник и премиер Мохамед бин Салман.
Кристијано и Џорџина изгледаа елегантно и споделија фотографии и видеа. На раката на 31-годишниот модел блескаше огромниот дијамантски прстен од 3 милиони долари со кој фудбалерот ја запроси во август оваа година.
„Благодарам, господине Претседателе, за поканата и за топлото добредојде што вие и Првата дама ни го приредивте мене и на мојата идна сопруга. Секој од нас има нешто значајно да даде и јас сум подготвен да го дадам својот придонес додека ги инспирираме новите генерации да изградат иднина исполнета со храброст, одговорност и траен мир“ – напиша Роналдо.
На вечерата, Џорџина заведуваше во креација од Guy Laroche која претходно ја има носено и Хилари Свонк на доделувањето на Оскарите во 2005 година.
Трамп го испочитува Роналдо во говорот пред некои од најмоќните луѓе на светот.
„Мојот син е голем фан на Роналдо... Барон доби шанса да го запознае и мислам дека сега го почитува татко си малку повеќе, само поради фактот дека ве запознав“ – рече тој.
