Кристијано Роналдо не ги потисна силните емоции кога новинарот Пирс Морган сред интервју му покажа видео од неговиот покоен татко.
„Никогаш го немав видено тоа видео“ - вели низ солзи Кристијано и признава дека најмногу тагува што татко му не доживеа да види колку успешен стана тој.
„Станав број еден, а тој не виде ништо. Не ме виде како примам награди. Моето семејство гледа, мојата мајка, моите браќа, дури и мојот најголем син. Но, мојот татко не виде ништо од тоа“ - додава славниот спортист.
‘He doesn’t see me receive awards.’
— Good Morning Britain (@GMB) September 16, 2019
In an emotional interview, @Cristiano breaks down in tears over the loss of his late father and the fact that he never got to witness his son's success.
Watch the full interview on @ITV on Tuesday at 9pm.@piersmorgan | #GMB pic.twitter.com/LybbJn31VR
Роналдо имаше 20 години кога неговиот татко Хозе почина на 52-годишна возраст од заболување на црниот дроб предизвикано од алкохолизам.
Во текот на интервјуто, Роналдо признава дека не очекувал дека ќе плаче. „Мислев дека интервјуто ќе биде смешно, не очекував дека ќе плачам. Но, никогаш ги немам видено тие снимки. Не знам од каде... Морам да ги имам за да му ги покажам на семејството. Но, навистина не го познавав татко ми 100 проценти. Тој беше пијаница. Никогаш не зборував со него, онака да водиме нормален разговор. Беше тешко“ - раскажа тој.
Кристијано со родителите
Популарниот Португалец вчера сподели семејни фотографии со Џорџина Родригез и нивните четири деца.
