Креативна артистка со помош на тетоважи им ги покрива лузните на телото на своите клиенти

Лузните се траен потсетник на некои случки во нашите животи. Но, постојат личности кои не сакаат секојдневно да се сеќаваат на тие моменти, па се обидуваат на некаков начин да ги „сокријат“ трагите кои им ги оставиле.

Артистка од Виетнам со помош на тетоважи им дава нов изглед на лузните и цели да им помогне на своите клиенти да се чувствуваат убаво во своето тело.

„Мојата страст е само тетовирање над лузни, изгореници, белези или какви било други несовршености на телото. Верувам дека добро конструирана тетоважа не само што ќе ја промени сликата за една личност, туку и ќе ѝ ја зголеми самодовербата и ќе ѝ помогне да ги надмине несигурностите“ – вели таа.