Се прашувате како е возможно моделите кои ги гледате на страниците од врвните списанија да се толку совршени? Експертот за дигитално ретуширање Елизабет Мос ви го нуди одговорот.
33-годишната фотографка и основач на компанијата за обработка на фотографии Rare Digital Art од Њујорк објави три видеа од по 90 секунди во кои покажува како со часови ретушира една фотографија за да дојде до резултатот кој ние го гледаме. Елизабет соработува со светски брендови и водечки списанија како Elle, Vogue, Vanity Fair и GQ.
„Овие видеа се уникатни, бидејќи ниту еден од врвните ретушери не прави ваков тип на видеа. Квалитетот на другите пред и потоа видеа кои се достапни онлајн е прилично лош и тие воопшто не го прикажуваат она што типично се прави во врвните модни едиторијали и кампањи“ – изјавила Мос во интервју за Peta Pixel. „Мислев дека ќе им биде интересно на луѓето да видат како всушност додаваме пори на кожата“ – додала таа.
Додавањето на пори на кожата може да се види на второто и третото видео.