Кралска префинетост: Војвотката Кетрин пленеше со нежен син фустан и омилената тијара на принцезата Дијана

Војвотката Кетрин и принцот Вилијам присуствуваа на државен банкет организиран во чест на холандскиот крал Вилем-Александар и кралицата Максима.

На свеченоста во Бакингемската палата, 36-годишната припадничка на британското кралско семејство изгледаше префинето во фустан во нежна сина нијанса од модната куќа Александар МекКвин.

Најголемо внимание во стајлингот на Кетрин привлече тијарата „Cambridge Lover's Knot“, која ѝ беше омилена на принцезата Дијана.

Кралицата Елизабета II со радост ги пречека важните гости, а неа ја придружуваа принцот Чарлс и неговата сопруга Камила.