Војвотката Кетрин го продолжува модниот маратон за време на кралската турнеја низ карипските држави.
40-годишната претставничка на британското кралско семејство изгледаше гламурозно на специјална вечера во Кингстон организирана од генералниот гувернер на Јамајка, Патрик Ален.
Шармантната сопруга на принцот Вилијам блескаше во зелена тоалета од Џени Пекам и накит позајмен од Кралицата Елизабета.
Британскиот принц носеше класичен црн костум и црна машна.
Посетата на британскиот кралски пар на карипските држави потикна движење за барање од британската монархија да исплати репарации за ропството.
За време на вечерата, Вилијам одржа говор и се извини за ропството. „Силно се согласувам со мојот татко, принцот од Велс, кој минатата година на Барбадос изјави дека ужасното злосторство на ропството засекогаш ја извалка нашата историја. Сакам да ја изразам мојата длабока тага. Ропството беше ужасно и никогаш не требаше да се случи“ – рекол тој.
