Кралска елеганција: Принцезата Кетрин со сина креација и најголемата тијара досега на вечера во Виндзор

Принцезата Кетрин и принцот Вилијам им се придружија на останатите членови од британското кралско семејство на вечера во празнична атмосфера во замокот Виндзор.

На свеченоста организирана во чест на германскиот претседател Франк-Валтер Штајнмаер и неговата сопруга Елке Биденбендер, 43-годишната принцеза блесна во сина креација.

Фустанот со наметка, кој е дело на нејзината омилена дизајнерка Џени Пекам, Кетрин го искомбинира со тијара која ја носеше првпат, а која ретко се гледа во јавноста.

Тијарата Oriental Circlet била изработена во 1853 година за кралицата Викторија со дијаманти и рубини. Оваа тијара важи за една од најимпозантните во кралската колекција и се смета за најголемата која Кејт ја има носено досега.