Кралицата Летиција и кралот Фелипе беа домаќини на гала-вечера во Кралската палата во Мадрид за германскиот претседател Франк-Валтер Штајнмајер и првата дама Елке Буденбендер.
53-годишната припадничка на шпанското кралско семејство зрачеше со кралска елеганција облечена во црна креација со мониста и пулејки на ракавите, којашто е дело на Каролина Ерера. На главата, Летиција носеше тијара од Картие, која ја немаше носено седум години, за да ѝ оддаде почит на кралицата Софија.
Тијарата била дизајнирана во 1920 година од Картие, а ја красат дијаманти и импресивни бисери.
Во својот говор, кралот Фелипе рече: „Европа нè обединува. Не поврзуваат идеалите за слобода, демократија, социјална правда и почит кон човековото достоинство“.
