Кралицата Летиција прекрасна во фустан од еко колекцијата на H&M во Кралската палата во Стокхолм

Кралицата Летиција и кралот Фелипе се во официјална посета на Шведска.

На вториот ден од нивната турнеја, тие присуствуваа на гала вечера во Кралската палата во Стокхолм, каде беа дочекани од кралицата Силвија, кралот Карл Густаф, принцезите Софија и Викторија и принцовите Карл Филип и Даниел.

Како и секогаш, Летиција изгледаше прекрасно во фустан од еколошката колекција на H&M и блескава тијара на главата.

Креацијата е модифицирана верзија од онаа која принцезата Викторија ја носеше на фотографиите направени во повод 10-годишнината од нејзиниот брак со принцот Даниел.

На гала вечерата, принцезата Викторија носеше цветна креација од Frida Jonsvens, додека Софија избра бел фустан од Safiyaa.