Кралицата Летиција и кралот Фелипе се во тридневна официјална посета на Куба. Ова е прва посета во последните 500 години на шпанското кралско семејство на поранешната шпанска колонија.
47-годишната кралица изгледаше елегантно во сите пет стајлинзи кои ги носеше за време на свечените настани, при полетувањето и пристигнувањето во Куба.
Пред да полета со својот сопруг од Шпанија, таа зачекори на црвен тепих на аеродромот во Мадрид облечена во црна комбинација од Хуго Бос, црно-бел блејзер и салонки од Прада.
И покрај 10-часовниот лет, Летиција пристигна во Куба со стил, облечена во миди кошула-фустан со зебраст принт од Хуго Бос, и розови салонки и чанта од дизајнерката Каролина Ерера.
На меѓународниот аеродром во Хавана, тие беше пречекани од кубанскиот министер за надворешни работи Бруно Родригез.
Официјалната посета на Куба започна со положување венец на споменикот на кубанскиот херој Хосе Марти, по што кралскиот пар беше на свечен прием во Палатата на револуцијата во Хавана. Топло добредојде им посакаа претседателот на Куба Мигел Дијаз-Канел и неговата сопруга. Летиција шармираше во бел фустан со точкаст принт, кој исто така беше од Каролина Ерера. Својот изглед, таа го комплетираше со салонки од Стив Меден и чанта од Нина Ричи.
Подоцна, Фелипе и Летиција прошетаа низ улиците на Стара Хавана. За таа прилика, нејзиното височество избра бела креација од Каролина Ерера и обувки од брендот Mint & Rose.
Кралскиот пар го заврши првиот ден во Куба со изложба и државен банкет. Летиција изгледаше одлично во црвен фустан, сандали од Џими Чу и чанта од Каролина Ерера.
