Копија на мама: Гвинет Палтроу сподели фотографии од пораснатата ќерка за нејзиниот 16. роденден

Гвинет Палтроу се труди колку што е можно повеќе да го зачува приватниот живот подалеку од очите на јавноста. Но, таа одлучи да ѝ го честита 16-тиот роденден на ќерката Епл со фотографии и порака на Instagram.

Во описот на албумот од Епл, 47-годишната актерка напиша:

„Не ми се верува дека навистина ги пишувам овие зборови, но... Среќна слатка шеснаесетка мое драго девојче. Ти си светлината на моето срце, ти си чиста радост. Ти си интелигентна и ја имаш најдобрата, најбрилијантната смисла за хумор. Ги обожавам нашите ноќни разговори кога имам шанса да слушнам што размислуваш. Ти напорно работиш за да го постигнеш она што го сакаш.“

Пресреќна сум што ти сум мајка, ти убава љубезна млада жено. Ти благодарам што ме избра мене. Те обожавам безброј пати до Месечина и назад. Жалам што имаш ваков роденден за време на овие околности, но како и секогаш, ти успеваш да го најдеш најдоброто во сè.“

Во коментарите многумина заклучија дека Епл е копија на мајка си.

Епл е ќерка на Гвинет од нејзиниот брак со Крис Мартин. Тие заедно имаат уште еден син. Парот се раздели во 2014 година.