Колин Фарел заврши маратон туркајќи пријателка во инвалидска количка, собра 600 илјади евра
Додека некои актери се суперхерои само на екраните, Колин Фарел е херој во вистинскиот живот.
48-годишниот ирски актер собра повеќе од 600 илјади евра на маратонот во Даблин кои ќе бидат наменети за добротворни цели. Тој ја заврши трката за 4 часа и 6 минути. Во последните 4 километри трчаше, туркајќи ја во инвалидска количка својата пријателка Ема Фогарти, која страда од Булозна епидермолиза, позната и како „кожа на пеперутка“.
Секој од километрите претставуваше по една деценија од животот на Ема, која во јуни наполни 40 години, возраст која таа не очекуваше да ја дочека ако се земе предвид дека е родена со најтешката форма на оваа здравствена состојба.
На фотографиите споделени онлајн, Ема се радува додека заедно ја поминуваат целната линија. Во видеото од моментот, Колин ја прашува дали ќе го направат ова повторно.
Colin Farrell crossed the Dublin Marathon finish line in just over four hours, pushing his friend Emma Fogarty , who suffers from a rare skin condition called Epidermolysis Bullosa (EB), in a wheelchair for the last 4km of the race.
— Colin Farrell Updates (@CFarrellUpdates) October 27, 2024
October 27, 2024#ColinFarrell pic.twitter.com/KkztlHH5pW
Colin Farrell and his close friend Emma Fogarty have completed the Dublin City Marathon together | Read more: https://t.co/Ou53x4Zxhi pic.twitter.com/vvNi3bb1F5
— RTÉ News (@rtenews) October 27, 2024
„Ја познавам Ема многу годинии таа е олицетворение на храброста, таа покажува како изгледа смелоста и одлучноста. Таа трка беше ништо во споредба со болката која таа е принудена да ја издржува секој еден ден, иако не го покажува тоа. Чест ми беше да ја видам како ме чека 4 километри пред крајот, секој од километрите претставуваше деценија од нејзиниот живот. Никогаш нема да го заборавам ова“ – рече Колин.
Собраните средства ќе бидат донирани за ирската организација „Debra“, која им помага на лицата кои се принудени да живеат со состојбата на Ема.
Децата кои имаат Булозна епидермолиза се познати како „деца-пеперутки“, бидејќи нивната кожа е толку чувствителна што и најнежниот допир може да нанесе пукање, рани и болка.
Ема има завои на 80% од телото за да спречи инфекција на раните.
