Кол Спраус: Од мало момче кое го глумеше синот на Рос во „Пријатели“ до миленик на обожавателките на „Ривердејл“

Кол Спраус чекори во филмската индустрија од мали нозе, но во изминатите две години крева голема прашина околу себе со улогата во хит серијата „Ривердејл“.

26-годишниот актер и неговиот брат близнак Дилан започнаа да глумат уште на 8-месечна возраст по предлог на нивната баба. Како деца, во голем дел од филмовите, браќата глумеа заедно, но нивните патишта се разделија откако пораснаа.

Во периодот од 2000 до 2002 година, Кол беше дел од 7 епизоди од „Пријатели“, како синот на Рос, Бен.

Кол им го освои срцето на многу тинејџерки откако доби една од главните улоги во „Ривердејл“.

„Ривердејл“ е тинејџерска драма снимена според стрипот „Арчи“ во продукција на Warner Bros.

Голем успех има и неговиот нов филм „Five Feet Apart“, во кој тој има улога на тинејџер со цистична фиброза.