Кога љубовта и спортот се спојуваат… Свадбените фотографии на ракометарите Ивона Трпевска и Дејан Гошевски
Ивона Трпевска и Дејан Гошевски се заколнаа на вечна љубов.
Македонските ракометари стапија во брак минатиот месец и направија свадбена прослава која вечно ќе остане во нивните сеќавања.
На специјалниот ден, Ивона шармираше во елегантна венчаница со корсет и чипка, додека Дејан се одлучи за класичен црн костум со машна.
Како успешни македонски ракометари, Ивона и Дејан собраа голем дел од нивните колеги, кои на прославата беа меѓу највеселите гости.
Младенците настапуваат за екипата на Аполда во Германија. Дејан игра на позицијата десен бек, додека Ивона настапува на позицијата лево крило.
Кога љубовта и спортот се спојуваат… Вчера овие две ракометни имиња се споија во едно презиме. Ивона и Дејан Гошевски, од срце ви благодарам за подарокот — двата ваши дресови со голема симболика! Ви посакувам многу љубов, среќа и заеднички победи во животот.