Кира Најтли и Џејмс Рајтон станаа родители. 30-годишната актерка и 31-годишниот музичар му посакаа добредојде на своето прво дете.
Славната актерка ја потврди веста за бременоста во декември минатата година во интервју за списанието „Elle“ UK.
Сè уште не се знае полот на бебето, но се шпекулира дека среќната мајка родила девојче.
За време на доделувањето на наградите „Златен глобус 2015“, бремената Најтли признала дека цела чантичка ѝ е полна со грицки. „За среќа, немам кармин. Имам само јаткасти плодови внатре. Тоа е прекрасното нешто кога си бремена. Треба само да се погрижиш да имаш грицки. Па, ова е чантичка за грицки“ – рекла таа.
Кира и Џејмс ја започнаа својата врска во февруари 2011 година, а стапија во брак во мај 2013 година во Франција.