Ќеркичката на Никола Ѓорѓиев наполни 5 години, македонскиот одбојкар сподели фотографии од забавата и слатка порака

Семејството на Никола Ѓорѓиев имаше значаен повод за славење.

Помалата ќеркичка на македонскиот одбојкар наполни 5 години, а гордиот татко сподели фотографии од роденденската прослава на тема Лило и Стич одржана во Струмица, заедно со слатка порака.

„Среќен 5. роденден Викторија. Ти и дада сте најголемата среќа на тато и мама. Здрави и живи да сте ми и да ми растете големи и среќни, благословени од Бога. Ве сакаме“ – напиша Ѓорѓиев во описот на албумот со двете ќеркички и сопругата Данче.

Никола е во среќен брак и не крие дека семејството му е најголемата поддршка и мотив во животот и кариерата.

Капитенот на македонската одбојкарска репрезентација во повеќе наврати има истакнато дека токму сопругата и ќерките му се најголема сила и инспирација, без разлика дали е на теренот или надвор од него.