Ќерката на Еминем се омажи: Хејли Џејд Скот сподели фотографии од свадбениот албум и танцот со татко ѝ

Хејли Џејд Скот и Еван МекКлинток стапија во брак.

28-годишната ќерка на Еминем и нејзиниот избраник стапија во брак на церемонија која се одржа во Мичиген. Таа сподели дел од нејзиниот свадбен албум, а TMZ ексклузивно објави фотографии од танцот на убавата невеста и нејзиниот татко, славниот рапер Еминем.

„Оваа недела се разбудив како сопруга. Не можевме да побараме поубава викенд прослава. Се пролеаја многу солзи-радосници, имаше многу смеа и насмевки и се почувствува огромна љубов. Со Еван се чувствуваме благодарно за сите пријатели и роднини кои допатуваа за да нè поддржат и да бидат дел од ова ново поглавје од нашите животи како сопруг и сопруга“ – напиша Хејли.

„Ова е мојата сопруга. Најдобриот викенд во мојот живот“ – напиша Еван.

Хејли и Еван се во врска од 2016 година, а се верија во февруари минатата година.

Хејли е ќерка на Еминем и Кимберли Ен Скот, кои двапати имаа стапено во брак. Тие се разведоа по вторпат во 2006 година, но се согласија на заедничко старателство над Хејли.