Захара Џоли успешно го заврши своето високо образование.
Посвоената ќерка на Анџелина Џоли и Бред Пит дипломираше на престижниот колеџ „Спелман“ во Атланта, а вниманието го привлече со одлуката да го изостави презимето на својот татко на примањето на дипломата.
21-годишната Захара дипломираше психологија, а на церемонијата нејзиното име беше прочитано како „Захара Марли Џоли“, наместо „Џоли-Пит“.
Zahara Jolie has officially graduated from Spelman College with a Bachelor of Arts in Psychology. 💙 pic.twitter.com/Q6Pm3aXgBr
— 𐌊𖤓 (@lyntwig_) May 17, 2026
Ова не е првпат таа јавно да се претстави само со презимето на мајка ѝ. Истото го направи и во 2023 година при приклучувањето кон сестринството Alpha Kappa Alpha.
Zahara will soon receive her Bachelor of Arts in Psychology. She looks beautiful, look at that smile! pic.twitter.com/SA0T82VuRU
— 𐌊𖤓 (@lyntwig_) May 17, 2026
На свеченоста присуствуваше и гордата мајка Анџелина, заедно со синовите Пакс, Медокс и Нокс. Според американските медиуми, Бред не бил забележан на дипломирањето.
Захара неодамна јавно зборуваше за блискиот однос со мајка ѝ, нарекувајќи ја „најнесебична и најгрижлива жена“.
Инаку, Захара беше посвоена од Анџелина Џоли во 2005 година од Етиопија, а подоцна нејзе ја посвои и Бред Пит.
Во изминативе години повеќе од децата на поранешната холивудска двојка се дистанцираат од презимето „Пит“. Ќерката Шајло лани и официјално побара негово отстранување од документите, додека Вивиен и Медокс исто така во јавноста се претставуваат само како „Џоли“.
Анџелина и Бред се разделија во 2016 година, а таа побара старателство над шесте деца.
