Кендис Сванапул изгледа фантастично на секоја фотографија. Убавиот ангел на Victoria’s Secret нема проблеми со позирањето, затоа што знае што да истакне пред објективот. 23-годишната русокоса сподели 5 совети кои ќе ви помогнат да изгледате прекрасно на вашите фотографии:
- Истакнете го вашето најдобро лице. Вистина е дека сите имаме поубава страна од лицето (за некои тоа е левата, за други десната страна). Разгледајте неколку ваши фотографии и одлучете на која изгледате најдобро. Наредниот пат кога ќе застанете за сликање, насмевнете се и поставете ја таа страна пред фотоапаратот.
- Издолжете го телото. Колковите елегантно придвижете ги на едната страна и застанете исправени. Истакнувањето на едниот колк ќе ви овозможи да го избегнете директното „соочување“ со објективот и вашето тело ќе изгледа поженствено.
- Истакнете ги градите, но не претерувајте. Не се срамете да ја покажете вашата фигура.
- Кога седите на стол, седнете најнапред на седиштето. Покажете ја вашата фигура, не исчезнувајте во столот. Седнете на работ на седиштето и насмевнете се широко.
- Покажете ги обувките. Не ги држете двете нозе една до друга. Едната нога ставете ја малку понапред и свртете го стапалото настрана, така што да ја покажувате едната обувка од внатрешната страна. Тоа ги издолжува нозете.
