Кендал Џенер и Џејкоб Елорди вљубени се држеа за раце во Париз, тој им се спротивстави на папараците кои ги следеа
Кендал Џенер и Џејкоб Елорди стануваат сè поблиски и повеќе не ја кријат врската од јавноста.
30-годишната манекенка и 29-годишниот актер беа фотографирани од папараците додека се упатуваа кон хотелот по романтична вечер во Париз.
Парот беше фотографиран за раце во француската метропола. Во еден момент, Џејкоб ја прегрна Кендал околу половината.
Романтичната атмосфера на вљубените партнери ја прекинаа папараците кои постојано ги следеа и ги фотографираа. Актерот од „Euphoria“ не остана рамнодушен на блицовите од фотоапаратите и ги замоли да престанат.
„Може ли само да си одиме до хотелот? Без блиц, само пуштете нè“ – им вели Џејкоб во видеото кое се прошири на социјалните мрежи.
Кендал постојано се обидуваше да го скрие лицето додека со Џејкоб и нивното обезбедување се движеа кон хотелот.
Само неколку дена претходно, Џејкоб ја поддржа Кендал од првиот ред на ревијата на Bottega Veneta во Милано, на која тој со камера ја фотографираше додека таа чекореше по пистата.
Гласините дека Кендал е во врска со Џејкоб започнаа на овогодишниот фестивал Коачела, а неименуван извор за магазинот People потврди дека тие интензивно се дружеле неколку месеци претходно.