Кејт Хадсон и нејзиниот свршеник Метју Белами добија син. 32-годишната актерка се породила во саботата во Лос Анџелес и според информациите од нејзиниот претставник за јавноста, родила здраво машко бебе.
Кејт Хадсон на МЕТ гала вечерта
Новороденото момче е прво дете на Кејт и Метју, а познатата актерка има 7-годишен син со својот поранешен сопруг, Крис Робинсон.
Кејт и Метју, фронтменот на групата Muse, ја започнаа својата врска пролетта минатата година. Не губејќи многу време, веќе во јануари 2011 објавија дека очекуваат дете.
Веста за свршувачката Кејт ја објави кон крајот на април, за време на нејзино гостување во емисијата Today. Тогаш забавната русокоса актерка го покажа свршеничкиот прстен кој се проценува дека вреди 200 000 долари.