Ќе ве освои: 92-годишен маж клекнува на колено за да ѝ пее серенада на сопругата за 50-годишнината од бракот

Најслатката серенада на светот ќе ви го згрее срцето. Таа доаѓа од усните на 92-годишен романтичен маж кој ѝ пее на својата сакана сопруга за 50-годишнината од бракот.

Во видеото, Харви Восика клекнат на колено ја држи саканата Милдред за рака и ѝ ја пее песната „Let Me Call You Sweetheart“ од Бинг Кросби.

На крајот, на Харви му се придружува и Милдред и заедно пеат „Те сакам“.

„Сите имаа солзи во очите и аплаудираа кога заврши“ – вели нивната внука Лиза Еперли, која го овековечи овој прекрасен момент и видеото го објави на Facebook.