Кара Делавин беше во центарот на вниманието со својот впечатлив изглед на доделувањето на MTV Movie Awards, кое синоќа се одржа во Лос Анџелес.
24-годишната манекенка смело ја покажа избричената глава и се појави на манифестацијата со шик стајлинг.
Нејзиниот моден избор вклучуваше црно кратко фустанче од Сен Лоран и високи црни чизми над колена.
Кара полека, но сигурно, се пробива и во филмската индустрија, па избричената глава се должи на нејзината најнова улога. Во филмот „Life In a Year“ Кара глуми девојка болна од рак.
Вака изгледаше Кара на доделувањето на MTV Movie Awards минатата година.
На балот МЕТ, Делавин се појави во креација од Шанел. Таа си ја обои ќелавата глава со сребрена боја и ја украси со блескави кристали.
